לפרק הקודם

דברי הימים א א

לפרק הבא
  • י' דוֹרוֹת מֵאָדָם וְעַד נֹחַ
  • בְּנֵי יֶפֶת
  • בְּנֵי חָם
  • בְּנֵי שֵׁם עַד אַבְרָהָם
  • בְּנֵי אַבְרָהָם
  • בְּנֵי יִשְׁמָעֵאל
  • בְּנֵי קְטוּרָה
  • בְּנֵי עֵשָׂו
  • בְּנֵי שֵׂעִיר
  • מַלְכֵי אֱדוֹם
  • אַלּוּפֵי אֱדוֹם

י' דוֹרוֹת מֵאָדָם וְעַד נֹחַ

א אָדָם שֵׁת אֱנוֹשׁ.  ב קֵינָן מַהֲלַלְאֵל יָרֶד.  ג חֲנוֹךְ מְתוּשֶׁלַח לָמֶךְ.  ד נֹחַ שֵׁם חָם וָיָפֶת.  {ס} 

בְּנֵי יֶפֶת

ה בְּנֵי יֶפֶת גֹּמֶר וּמָגוֹג וּמָדַי וְיָוָן וְתֻבָל וּמֶשֶׁךְ וְתִירָס.  {ס} 
ו וּבְנֵי גֹּמֶר אַשְׁכְּנַז וְדִיפַת וְתוֹגַרְמָה.  {ס} 
ז וּבְנֵי יָוָן אֱלִישָׁה וְתַרְשִׁישָׁה כִּתִּים וְרוֹדָנִים.  {ס} 

בְּנֵי חָם

ח בְּנֵי חָם כּוּשׁ וּמִצְרַיִם פּוּט וּכְנָעַן.  ט וּבְנֵי כוּשׁ סְבָא וַחֲוִילָה וְסַבְתָּא וְרַעְמָא וְסַבְתְּכָא וּבְנֵי רַעְמָא שְׁבָא וּדְדָן.  {ס} 
י וְכוּשׁ יָלַד אֶת-נִמְרוֹד הוּא הֵחֵל לִהְיוֹת גִּבּוֹר בָּאָרֶץ.  {ס} 
יא וּמִצְרַיִם יָלַד אֶת-לודיים (לוּדִים) וְאֶת-עֲנָמִים וְאֶת-לְהָבִים וְאֶת-נַפְתֻּחִים.  יב וְאֶת-פַּתְרֻסִים וְאֶת-כַּסְלֻחִים אֲשֶׁר יָצְאוּ מִשָּׁם פְּלִשְׁתִּים וְאֶת-כַּפְתֹּרִים.  {ס} 
יג וּכְנַעַן יָלַד אֶת-צִידוֹן בְּכֹרוֹ וְאֶת-חֵת.  יד וְאֶת-הַיְבוּסִי וְאֶת-הָאֱמֹרִי וְאֵת הַגִּרְגָּשִׁי.  טו וְאֶת-הַחִוִּי וְאֶת-הַעַרְקִי וְאֶת-הַסִּינִי.  טז וְאֶת-הָאַרְוָדִי וְאֶת-הַצְּמָרִי וְאֶת-הַחֲמָתִי.  {ס} 

בְּנֵי שֵׁם עַד אַבְרָהָם

יז בְּנֵי שֵׁם עֵילָם וְאַשּׁוּר וְאַרְפַּכְשַׁד וְלוּד וַאֲרָם וְעוּץ וְחוּל וְגֶתֶר וָמֶשֶׁךְ.  {ס} 
יח וְאַרְפַּכְשַׁד יָלַד אֶת-שָׁלַח וְשֶׁלַח יָלַד אֶת-עֵבֶר.  יט וּלְעֵבֶר יֻלַּד שְׁנֵי בָנִים  שֵׁם הָאֶחָד פֶּלֶג כִּי בְיָמָיו נִפְלְגָה הָאָרֶץ וְשֵׁם אָחִיו יָקְטָן.  כ וְיָקְטָן יָלַד אֶת-אַלְמוֹדָד וְאֶת-שָׁלֶף וְאֶת-חֲצַרְמָוֶת וְאֶת-יָרַח.  כא וְאֶת-הֲדוֹרָם וְאֶת-אוּזָל וְאֶת-דִּקְלָה.  כב וְאֶת-עֵיבָל וְאֶת-אֲבִימָאֵל וְאֶת-שְׁבָא.  כג וְאֶת-אוֹפִיר וְאֶת-חֲוִילָה וְאֶת-יוֹבָב כָּל-אֵלֶּה בְּנֵי יָקְטָן.  {ס} 
כד שֵׁם אַרְפַּכְשַׁד שָׁלַח.  כה עֵבֶר פֶּלֶג רְעוּ.  כו שְׂרוּג נָחוֹר תָּרַח.  כז אַבְרָם הוּא אַבְרָהָם.  {ס} 

בְּנֵי אַבְרָהָם

כח בְּנֵי אַבְרָהָם יִצְחָק וְיִשְׁמָעֵאל.  {ס} 

בְּנֵי יִשְׁמָעֵאל

כט אֵלֶּה תֹּלְדוֹתָם  בְּכוֹר יִשְׁמָעֵאל נְבָיוֹת וְקֵדָר וְאַדְבְּאֵל וּמִבְשָׂם.  ל מִשְׁמָע וְדוּמָה מַשָּׂא חֲדַד וְתֵימָא.  לא יְטוּר נָפִישׁ וָקֵדְמָה אֵלֶּה הֵם בְּנֵי יִשְׁמָעֵאל.  {ס} 

בְּנֵי קְטוּרָה

לב וּבְנֵי קְטוּרָה פִּילֶגֶשׁ אַבְרָהָם יָלְדָה אֶת-זִמְרָן וְיָקְשָׁן וּמְדָן וּמִדְיָן וְיִשְׁבָּק וְשׁוּחַ וּבְנֵי יָקְשָׁן שְׁבָא וּדְדָן.  {ס} 
לג וּבְנֵי מִדְיָן עֵיפָה וָעֵפֶר וַחֲנוֹךְ וַאֲבִידָע וְאֶלְדָּעָה כָּל-אֵלֶּה בְּנֵי קְטוּרָה.  {ס} 
לד וַיּוֹלֶד אַבְרָהָם אֶת-יִצְחָק בְּנֵי יִצְחָק עֵשָׂו וְיִשְׂרָאֵל.  {ס} 

בְּנֵי עֵשָׂו

לה בְּנֵי עֵשָׂו אֱלִיפַז רְעוּאֵל וִיעוּשׁ וְיַעְלָם וְקֹרַח.  {ס} 
לו בְּנֵי אֱלִיפָז תֵּימָן וְאוֹמָר צְפִי וְגַעְתָּם קְנַז וְתִמְנָע וַעֲמָלֵק.  {ס} 
לז בְּנֵי רְעוּאֵל נַחַת זֶרַח שַׁמָּה וּמִזָּה.  {ס} 

בְּנֵי שֵׂעִיר

לח וּבְנֵי שֵׂעִיר לוֹטָן וְשׁוֹבָל וְצִבְעוֹן וַעֲנָה וְדִישֹׁן וְאֵצֶר וְדִישָׁן.  {ס} 
לט וּבְנֵי לוֹטָן חֹרִי וְהוֹמָם וַאֲחוֹת לוֹטָן תִּמְנָע.  {ס} 
מ בְּנֵי שׁוֹבָל עַלְיָן וּמָנַחַת וְעֵיבָל שְׁפִי וְאוֹנָם וּבְנֵי צִבְעוֹן אַיָּה וַעֲנָה.  {ס} 
מא בְּנֵי עֲנָה דִּישׁוֹן וּבְנֵי דִישׁוֹן חַמְרָן וְאֶשְׁבָּן וְיִתְרָן וּכְרָן.  מב בְּנֵי-אֵצֶר בִּלְהָן וְזַעֲוָן יַעֲקָן בְּנֵי דִישׁוֹן עוּץ וַאֲרָן.  {פ}

מַלְכֵי אֱדוֹם

מג וְאֵלֶּה הַמְּלָכִים אֲשֶׁר מָלְכוּ בְּאֶרֶץ אֱדוֹם לִפְנֵי מְלָךְ-מֶלֶךְ לִבְנֵי יִשְׂרָאֵל  בֶּלַע בֶּן-בְּעוֹר וְשֵׁם עִירוֹ דִּנְהָבָה.  מד וַיָּמָת בָּלַע וַיִּמְלֹךְ תַּחְתָּיו יוֹבָב בֶּן-זֶרַח מִבָּצְרָה.  מה וַיָּמָת יוֹבָב וַיִּמְלֹךְ תַּחְתָּיו חוּשָׁם מֵאֶרֶץ הַתֵּימָנִי.  מו וַיָּמָת חוּשָׁם וַיִּמְלֹךְ תַּחְתָּיו הֲדַד בֶּן-בְּדַד הַמַּכֶּה אֶת-מִדְיָן בִּשְׂדֵה מוֹאָב וְשֵׁם עִירוֹ עיות (עֲוִית).  מז וַיָּמָת הֲדָד וַיִּמְלֹךְ תַּחְתָּיו שַׂמְלָה מִמַּשְׂרֵקָה.  מח וַיָּמָת שַׂמְלָה וַיִּמְלֹךְ תַּחְתָּיו שָׁאוּל מֵרְחֹבוֹת הַנָּהָר.  מט וַיָּמָת שָׁאוּל וַיִּמְלֹךְ תַּחְתָּיו בַּעַל חָנָן בֶּן-עַכְבּוֹר.  נ וַיָּמָת בַּעַל חָנָן וַיִּמְלֹךְ תַּחְתָּיו הֲדַד וְשֵׁם עִירוֹ פָּעִי וְשֵׁם אִשְׁתּוֹ מְהֵיטַבְאֵל בַּת-מַטְרֵד בַּת מֵי זָהָב. 

אַלּוּפֵי אֱדוֹם

נא וַיָּמָת הֲדָד  {פ}
 וַיִּהְיוּ אַלּוּפֵי אֱדוֹם אַלּוּף תִּמְנָע אַלּוּף עליה (עַלְוָה) אַלּוּף יְתֵת.  נב אַלּוּף אָהֳלִיבָמָה אַלּוּף אֵלָה אַלּוּף פִּינֹן.  נג אַלּוּף קְנַז אַלּוּף תֵּימָן אַלּוּף מִבְצָר.  נד אַלּוּף מַגְדִּיאֵל אַלּוּף עִירָם אֵלֶּה אַלּוּפֵי אֱדוֹם.  {פ}
מומלץ
סרטונים
פעילויות
מידע נוסף
רש"י / מצודת דוד