תהילים קכג
לשיפור התצוגה 
תְּפִלָּה לַגְּאֻלָּה בְּעֵת קְשִׁי הַגָּלוּת
א שִׁיר הַמַּעֲלוֹתאֵלֶיךָ נָשָׂאתִי אֶת-עֵינַי הַיֹּשְׁבִי בַּשָּׁמָיִם. ב הִנֵּה כְעֵינֵי עֲבָדִים אֶל-יַד אֲדוֹנֵיהֶם כְּעֵינֵי שִׁפְחָה אֶל-יַד גְּבִרְתָּהּכֵּן עֵינֵינוּ אֶל-יְהוָה אֱלֹהֵינוּ עַד שֶׁיְּחָנֵּנוּ. ג חָנֵּנוּ יְהוָה חָנֵּנוּ כִּי-רַב שָׂבַעְנוּ בוּז. ד רַבַּת שָׂבְעָה-לָּהּ נַפְשֵׁנוּהַלַּעַג הַשַּׁאֲנַנִּים הַבּוּז לגאיונים (לִגְאֵי יוֹנִים).
