איוב כו
לשיפור התצוגה 
לַעַג לְדִבְרֵי בִּלְדַּד
א וַיַּעַן אִיּוֹב וַיֹּאמַר. ב מֶה-עָזַרְתָּ לְלֹא-כֹחַ הוֹשַׁעְתָּ זְרוֹעַ לֹא-עֹז. ג מַה-יָּעַצְתָּ לְלֹא חָכְמָה וְתֻשִׁיָּה לָרֹב הוֹדָעְתָּ. ד אֶת-מִי הִגַּדְתָּ מִלִּין וְנִשְׁמַת-מִי יָצְאָה מִמֶּךָּ.אֵימַת ה' נִכֶּרֶת בְּכָל הַבְּרִיאָה
ה הָרְפָאִים יְחוֹלָלוּ מִתַּחַת מַיִם וְשֹׁכְנֵיהֶם. ו עָרוֹם שְׁאוֹל נֶגְדּוֹ וְאֵין כְּסוּת לָאֲבַדּוֹן. ז נֹטֶה צָפוֹן עַל-תֹּהוּ תֹּלֶה אֶרֶץ עַל-בְּלִי-מָה.גְּבוּרַת ה' בַּשָּׁמַיִם וּבָאָרֶץ
ח צֹרֵר-מַיִם בְּעָבָיו וְלֹא-נִבְקַע עָנָן תַּחְתָּם. ט מְאַחֵז פְּנֵי-כִסֵּה פַּרְשֵׁז עָלָיו עֲנָנוֹ. י חֹק-חָג עַל-פְּנֵי-מָיִם עַד-תַּכְלִית אוֹר עִם-חֹשֶׁךְ. יא עַמּוּדֵי שָׁמַיִם יְרוֹפָפוּ וְיִתְמְהוּ מִגַּעֲרָתוֹ. יב בְּכֹחוֹ רָגַע הַיָּם ובתובנתו (וּבִתְבוּנָתוֹ) מָחַץ רָהַב. יג בְּרוּחוֹ שָׁמַיִם שִׁפְרָה חֹלְלָה יָדוֹ נָחָשׁ בָּרִחַ. יד הֶן-אֵלֶּה קְצוֹת דְּרָכָו וּמַה-שֵּׁמֶץ דָּבָר נִשְׁמַע-בּוֹוְרַעַם גְּבוּרֹתָו מִי יִתְבּוֹנָן.
