עזרא ב

שְׁמוֹת מַנְהִיגֵי וְרָאשֵׁי הָעָם
שְׁמוֹת בָּתֵּי אָבוֹת וּמִנְיָנָם
הַשֵּׁמוֹת לְפִי מְקוֹמוֹת הַמּוֹצָא
שְׁמוֹת הַכֹּהֲנִים וְהַלְוִיִּם
שְׁמוֹת הַנְּתִינִים
עַבְדֵי שְׁלֹמֹה
עוֹלִים שֶׁלֹּא יָדְעוּ יִחוּסָם
כֹּהֲנִים שֶׁנִּגְאֲלוּ מֵהַכְּהֻנָּה
מִנְיַן כָּל הַקָּהָל וְקִנְיְנֵיהֶם
הִתְנַדְּבוּת רָאשֵׁי הָעָם לַמִּקְדָּשׁ

לשיפור התצוגה

שְׁמוֹת מַנְהִיגֵי וְרָאשֵׁי הָעָם

א וְאֵלֶּה בְּנֵי הַמְּדִינָה הָעֹלִים מִשְּׁבִי הַגּוֹלָה אֲשֶׁר הֶגְלָה נבוכדנצור (נְבוּכַדְנֶצַּר) מֶלֶךְ-בָּבֶל לְבָבֶל וַיָּשׁוּבוּ לִירוּשָׁלִַם וִיהוּדָה אִישׁ לְעִירוֹ. ב אֲשֶׁר-בָּאוּ עִם-זְרֻבָּבֶל יֵשׁוּעַ נְחֶמְיָה שְׂרָיָה רְעֵלָיָה מָרְדֳּכַי בִּלְשָׁן מִסְפָּר בִּגְוַי רְחוּם בַּעֲנָה מִסְפַּר אַנְשֵׁי עַם יִשְׂרָאֵל. {ס}

שְׁמוֹת בָּתֵּי אָבוֹת וּמִנְיָנָם

ג בְּנֵי פַרְעֹשׁ אַלְפַּיִם מֵאָה שִׁבְעִים וּשְׁנָיִם. {ס}

ד בְּנֵי שְׁפַטְיָה שְׁלֹשׁ מֵאוֹת שִׁבְעִים וּשְׁנָיִם. {ס}

ה בְּנֵי אָרַח שְׁבַע מֵאוֹת חֲמִשָּׁה וְשִׁבְעִים. {ס}

ו בְּנֵי-פַחַת מוֹאָב לִבְנֵי יֵשׁוּעַ יוֹאָב אַלְפַּיִם שְׁמֹנֶה מֵאוֹת וּשְׁנֵים עָשָׂר. {ס}

ז בְּנֵי עֵילָם אֶלֶף מָאתַיִם חֲמִשִּׁים וְאַרְבָּעָה. {ס}

ח בְּנֵי זַתּוּא תְּשַׁע מֵאוֹת וְאַרְבָּעִים וַחֲמִשָּׁה. {ס}

ט בְּנֵי זַכָּי שְׁבַע מֵאוֹת וְשִׁשִּׁים. {ס}

י בְּנֵי בָנִי שֵׁשׁ מֵאוֹת אַרְבָּעִים וּשְׁנָיִם. {ס}

יא בְּנֵי בֵבָי שֵׁשׁ מֵאוֹת עֶשְׂרִים וּשְׁלֹשָׁה. {ס}

יב בְּנֵי עַזְגָּד אֶלֶף מָאתַיִם עֶשְׂרִים וּשְׁנָיִם. {ס}

יג בְּנֵי אֲדֹנִיקָם שֵׁשׁ מֵאוֹת שִׁשִּׁים וְשִׁשָּׁה. {ס}

יד בְּנֵי בִגְוָי אַלְפַּיִם חֲמִשִּׁים וְשִׁשָּׁה. {ס}

טו בְּנֵי עָדִין אַרְבַּע מֵאוֹת חֲמִשִּׁים וְאַרְבָּעָה. {ס}

טז בְּנֵי-אָטֵר לִיחִזְקִיָּה תִּשְׁעִים וּשְׁמֹנָה. {ס}

יז בְּנֵי בֵצָי שְׁלֹשׁ מֵאוֹת עֶשְׂרִים וּשְׁלֹשָׁה. {ס}

יח בְּנֵי יוֹרָה מֵאָה וּשְׁנֵים עָשָׂר. {ס}

יט בְּנֵי חָשֻׁם מָאתַיִם עֶשְׂרִים וּשְׁלֹשָׁה. {ס}

כ בְּנֵי גִבָּר תִּשְׁעִים וַחֲמִשָּׁה. {ס}

הַשֵּׁמוֹת לְפִי מְקוֹמוֹת הַמּוֹצָא

כא בְּנֵי בֵית-לָחֶם מֵאָה עֶשְׂרִים וּשְׁלֹשָׁה. {ס}

כב אַנְשֵׁי נְטֹפָה חֲמִשִּׁים וְשִׁשָּׁה. כג אַנְשֵׁי עֲנָתוֹת מֵאָה עֶשְׂרִים וּשְׁמֹנָה. {ס}

כד בְּנֵי עַזְמָוֶת אַרְבָּעִים וּשְׁנָיִם. {ס}

כה בְּנֵי קִרְיַת עָרִים כְּפִירָה וּבְאֵרוֹת שְׁבַע מֵאוֹת וְאַרְבָּעִים וּשְׁלֹשָׁה. {ס}

כו בְּנֵי הָרָמָה וָגָבַע שֵׁשׁ מֵאוֹת עֶשְׂרִים וְאֶחָד. {ס}

כז אַנְשֵׁי מִכְמָס מֵאָה עֶשְׂרִים וּשְׁנָיִם. {ס}

כח אַנְשֵׁי בֵית-אֵל וְהָעָי מָאתַיִם עֶשְׂרִים וּשְׁלֹשָׁה. {ס}

כט בְּנֵי נְבוֹ חֲמִשִּׁים וּשְׁנָיִם. {ס}

ל בְּנֵי מַגְבִּישׁ מֵאָה חֲמִשִּׁים וְשִׁשָּׁה. {ס}

לא בְּנֵי עֵילָם אַחֵר אֶלֶף מָאתַיִם חֲמִשִּׁים וְאַרְבָּעָה. {ס}

לב בְּנֵי חָרִם שְׁלֹשׁ מֵאוֹת וְעֶשְׂרִים. {ס}

לג בְּנֵי-לֹד חָדִיד וְאוֹנוֹ שְׁבַע מֵאוֹת עֶשְׂרִים וַחֲמִשָּׁה. {ס}

לד בְּנֵי יְרֵחוֹ שְׁלֹשׁ מֵאוֹת אַרְבָּעִים וַחֲמִשָּׁה. {ס}

לה בְּנֵי סְנָאָה שְׁלֹשֶׁת אֲלָפִים וְשֵׁשׁ מֵאוֹת וּשְׁלֹשִׁים. {ס}

שְׁמוֹת הַכֹּהֲנִים וְהַלְוִיִּם

לו הַכֹּהֲנִים בְּנֵי יְדַעְיָה לְבֵית יֵשׁוּעַ תְּשַׁע מֵאוֹת שִׁבְעִים וּשְׁלֹשָׁה. {ס}

לז בְּנֵי אִמֵּר אֶלֶף חֲמִשִּׁים וּשְׁנָיִם. {ס}

לח בְּנֵי פַשְׁחוּר אֶלֶף מָאתַיִם אַרְבָּעִים וְשִׁבְעָה. {ס}

לט בְּנֵי חָרִם אֶלֶף וְשִׁבְעָה עָשָׂר. {ס}

מ הַלְוִיִּם בְּנֵי-יֵשׁוּעַ וְקַדְמִיאֵל לִבְנֵי הוֹדַוְיָה שִׁבְעִים וְאַרְבָּעָה. {ס}

מא הַמְשֹׁרְרִים בְּנֵי אָסָף מֵאָה עֶשְׂרִים וּשְׁמֹנָה. {פ}

מב בְּנֵי הַשֹּׁעֲרִים בְּנֵי-שַׁלּוּם בְּנֵי-אָטֵר בְּנֵי-טַלְמֹן בְּנֵי-עַקּוּב בְּנֵי חֲטִיטָא בְּנֵי שֹׁבָי הַכֹּל מֵאָה שְׁלֹשִׁים וְתִשְׁעָה. {פ}

שְׁמוֹת הַנְּתִינִים

מג הַנְּתִינִים {ס} בְּנֵי-צִיחָא {ס} בְנֵי-חֲשׂוּפָא {ס} בְּנֵי {ר}

טַבָּעוֹת. {ס} מד בְּנֵי-קֵרֹס {ס} בְּנֵי-סִיעֲהָא {ס} בְּנֵי {ר}

פָדוֹן. {ס} מה בְּנֵי-לְבָנָה {ס} בְנֵי-חֲגָבָה {ס} בְּנֵי {ר}

עַקּוּב. {ס} מו בְּנֵי-חָגָב {ס} בְּנֵי-שמלי (שַׁלְמַי) {ס} בְּנֵי {ר}

חָנָן. {ס} מז בְּנֵי-גִדֵּל {ס} בְּנֵי-גַחַר {ס} בְּנֵי {ר}

רְאָיָה. {ס} מח בְּנֵי-רְצִין {ס} בְּנֵי-נְקוֹדָא {ס} בְּנֵי {ר}

גַזָּם. {ס} מט בְּנֵי-עֻזָּא {ס} בְנֵי-פָסֵחַ {ס} בְּנֵי {ר}

בֵסָי. {ס} נ בְּנֵי-אַסְנָה {ס} בְנֵי-מְעוּנִים {ס} בְּנֵי {ר}

נפיסים (נְפוּסִים). {ס} נא בְּנֵי-בַקְבּוּק {ס} בְּנֵי-חֲקוּפָא {ס} בְּנֵי {ר}

חַרְחוּר. {ס} נב בְּנֵי-בַצְלוּת {ס} בְּנֵי-מְחִידָא {ס} בְּנֵי {ר}

חַרְשָׁא. {ס} נג בְּנֵי-בַרְקוֹס {ס} בְּנֵי-סִיסְרָא {ס} בְּנֵי {ר}

תָמַח. {ס} נד בְּנֵי נְצִיחַ {ס} בְּנֵי חֲטִיפָא. {ס}

עַבְדֵי שְׁלֹמֹה

נה בְּנֵי {ר}

עַבְדֵי שְׁלֹמֹה {ס} בְּנֵי-סֹטַי {ס} בְּנֵי-הַסֹּפֶרֶת {ס} בְּנֵי {ר} פְרוּדָא. {ס} נו בְּנֵי-יַעְלָה {ס} בְנֵי-דַרְקוֹן {ס} בְּנֵי {ר}

גִדֵּל. {ס} נז בְּנֵי שְׁפַטְיָה {ס} בְנֵי-חַטִּיל {ס} בְּנֵי {ר}

פֹּכֶרֶת הַצְּבָיִים {ס} בְּנֵי אָמִי. נח כָּל-הַנְּתִינִים וּבְנֵי עַבְדֵי שְׁלֹמֹה שְׁלֹשׁ מֵאוֹת תִּשְׁעִים וּשְׁנָיִם. {ס}

עוֹלִים שֶׁלֹּא יָדְעוּ יִחוּסָם

נט וְאֵלֶּה הָעֹלִים מִתֵּל מֶלַח תֵּל חַרְשָׁא כְּרוּב אַדָּן אִמֵּר וְלֹא יָכְלוּ לְהַגִּיד בֵּית-אֲבוֹתָם וְזַרְעָם אִם מִיִּשְׂרָאֵל הֵם. ס בְּנֵי-דְלָיָה בְנֵי-טוֹבִיָּה בְּנֵי נְקוֹדָא שֵׁשׁ מֵאוֹת חֲמִשִּׁים וּשְׁנָיִם. {ס}

כֹּהֲנִים שֶׁנִּגְאֲלוּ מֵהַכְּהֻנָּה

סא וּמִבְּנֵי הַכֹּהֲנִים בְּנֵי חֳבַיָּה בְּנֵי הַקּוֹץ בְּנֵי בַרְזִלַּי אֲשֶׁר לָקַח מִבְּנוֹת בַּרְזִלַּי הַגִּלְעָדִי אִשָּׁה וַיִּקָּרֵא עַל-שְׁמָם. סב אֵלֶּה בִּקְשׁוּ כְתָבָם הַמִּתְיַחְשִׂים וְלֹא נִמְצָאוּ וַיְגֹאֲלוּ מִן-הַכְּהֻנָּה. סג וַיֹּאמֶר הַתִּרְשָׁתָא לָהֶם אֲשֶׁר לֹא-יֹאכְלוּ מִקֹּדֶשׁ הַקֳּדָשִׁים עַד עֲמֹד כֹּהֵן לְאוּרִים וּלְתֻמִּים.

מִנְיַן כָּל הַקָּהָל וְקִנְיְנֵיהֶם

סד כָּל-הַקָּהָל כְּאֶחָד אַרְבַּע רִבּוֹא אַלְפַּיִם שְׁלֹשׁ-מֵאוֹת שִׁשִּׁים. סה מִלְּבַד עַבְדֵיהֶם וְאַמְהֹתֵיהֶם אֵלֶּה שִׁבְעַת אֲלָפִים שְׁלֹשׁ מֵאוֹת שְׁלֹשִׁים וְשִׁבְעָה וְלָהֶם מְשֹׁרְרִים וּמְשֹׁרְרוֹת מָאתָיִם. סו סוּסֵיהֶם שְׁבַע מֵאוֹת שְׁלֹשִׁים וְשִׁשָּׁה פִּרְדֵיהֶם מָאתַיִם אַרְבָּעִים וַחֲמִשָּׁה. סז גְּמַלֵּיהֶם אַרְבַּע מֵאוֹת שְׁלֹשִׁים וַחֲמִשָּׁה חֲמֹרִים שֵׁשֶׁת אֲלָפִים שְׁבַע מֵאוֹת וְעֶשְׂרִים. {פ}

הִתְנַדְּבוּת רָאשֵׁי הָעָם לַמִּקְדָּשׁ

סח וּמֵרָאשֵׁי הָאָבוֹת בְּבוֹאָם לְבֵית יְהוָה אֲשֶׁר בִּירוּשָׁלִָם הִתְנַדְּבוּ לְבֵית הָאֱלֹהִים לְהַעֲמִידוֹ עַל-מְכוֹנוֹ. סט כְּכֹחָם נָתְנוּ לְאוֹצַר הַמְּלָאכָה זָהָב דַּרְכְּמוֹנִים שֵׁשׁ-רִבֹּאות וָאֶלֶף {ס} וְכֶסֶף מָנִים חֲמֵשֶׁת אֲלָפִים וְכָתְנֹת כֹּהֲנִים מֵאָה. {ס}

ע וַיֵּשְׁבוּ הַכֹּהֲנִים וְהַלְוִיִּם וּמִן-הָעָם וְהַמְשֹׁרְרִים וְהַשּׁוֹעֲרִים וְהַנְּתִינִים בְּעָרֵיהֶם וְכָל-יִשְׂרָאֵל בְּעָרֵיהֶם. {ס}